जिल्ला अस्पताल खोटाङमा विजुली र खानेपानीको व्यवस्था नहुँदा बिरामीलाई समस्या

  • ३० फाल्गुन २०७४, बुधबार १९:०४
  • 1404 Views


radionrn

उत्तम चौलागाँई खोटाङ । जिल्ला अस्पताल खोटाङमा विद्युत र खानेपानीको उचित व्यवस्था नहुँदा बिरामीलाई सास्ती भएको छ ।अस्पतालमा ल्याइएको विद्युत र खानेपानी नियमित सञ्चालन नहुँदा भर्ना भएर उपचार गराइरहेका बिरामीलाई सास्ती भएको हो । अस्पतालमा विद्युतको उचित व्यवस्था नहुँदा बिरामीका आफन्तले आफैँ जेनेरेटर भाडामा लिएर चलाइरहेका छन् ।

अस्पतालमा रहेको जेनेरेटर दुई महिना अघिदेखि बिग्रिएर थन्किएपछि विद्युतको वैकल्पिक व्यवस्थाका लागि बिरामीका आफन्त आफैँ जेनेरेटर चलाउन बाध्य भएका हुन् ।

जिल्लाको एक मात्र अस्पतालमा अहिले जडान गरिएको विद्युतबाट बत्ती मात्र बल्ने गरेको छ भने तीन दिनदेखि खानेपानीसमेत आउन छोडेको छ जिल्ला अस्पतालमा जडान गरिएको विद्युत र खानेपानी आइतबार परेको असिना पानीले एकै साथ बन्द भएको अस्पताल अस्पतालका प्रमुख डाक्टर रामबहादुर केसीले जानकारी दिनुभएको छ ।

Avatar

Next Story