आर्थिक सम्बृद्धिको प्रारम्भिक जग स्थानीय तह: लक्ष्मण अर्याल

  • २९ फाल्गुन २०७४, मंगलवार १९:१५
  • 1729 Views


radionrn

श्रीभद्र पौडेल, पोखरा । प्रदेश नं. ४ का मुख्य सचिव लक्ष्मण अर्यालले आर्थिक सम्बृद्धिको प्रारम्भिक जग स्थानीय तह भएको बताउनुभएको छ । कास्कीको अन्नपूर्ण गाउँपालिकाको आगामि आ.व २०७५/०७६ को पुर्व योजना तर्जुमा गोष्ठीको मंगलवार उद्घाटन गर्दै मुख्य सचिव अर्यालले सो कुरामा जोड दिनुभएको हो ।

सचिव अर्यालले सबै स्थानिय तह आर्थिक रुपमा मजबुत भए देश स्वतः सम्बृद्धिको दिशातर्फ उन्मुख हुने दावी गर्दै स्थानिय तहले १० बर्षे विकासको सोच तथा पाँच बर्षे विकासका योजना बनाउनुपर्ने टिष्पणी गर्नुभयो । उहाँले योजनाको बैक निर्माण गरी विकास कायलाई स्थानीय तहले अगाडि बढाउनुपर्ने तर्क पनि गर्नुभयो ।

कार्यक्रममा बोल्दै गाउँपालिका अध्यक्ष युवराज कुँवरले गाउँपालिकाले २० बर्षेका दीर्घकालिन, पाँच बर्षे मध्यकालिन तथा दुई बर्षे अल्पकालिन योजना निर्माण गरी समग्र गाउँपालिका क्षेत्रको विकास गर्न खोजेको जानकारी गराउनुभयो । उहाँले गाउँपालिकामा सबै वडा जोडने गरी अन्नपूर्ण रिङरोडको अवधारणलाई आगामि दुई वर्ष भित्र पुरा गर्ने प्रतिबद्धता समेत जनाउनुभएको छ ।

गाउँपालिका अध्यक्ष कुँवरको अध्यक्षतामा संचालित उक्त कार्यक्रमको संचालन गाउँपालिकाका प्रमुख प्रशासकिय अधिकृत शोषकान्त पौडेलले गर्नुभएको थियो । गाउँपालिकाले आगामि आवका लागि रु. ५१ करोड बराबरको बजेटको तयारी गरेको जनाएको छ ।

Avatar

Next Story