सुर्खेतमा कुपोषित बालबालिकाको संख्या बढ्दै

  • २९ फाल्गुन २०७४, मंगलवार १८:४९
  • 7267 Views


radionrn

चाँदनी केसी, सुर्खेत । सुर्खेतमा कुपोषित बालबालिकाको संख्या बढ्दै गइरहहेको एक तथ्यांक सार्वजनिक भएको छ ।  जिल्ला जनस्वास्थ्य कार्यालय सुर्खेतका अनुसार जिल्लाभर चालु आर्थिक वर्षको ६ महिनामा मात्रै ३ सय ३० जना नयाँ बालबालिका कुपोषणको चपेटामा परेका छन् ।

कार्यालयका सुचना अधिकारी वसन्तमान श्रेष्ठले ति मध्ये ३८ बालबालिका अति जोखिममा रहेको जानकारी दिनुभयो । कार्यालयले अहिलेसम्म गरेको कामका बारेमा जानकारी दिन आज आयोजना गरिएको पत्रकार सम्मेलनमा सुचना अधिकारी श्रेष्ठले सबैभन्दा बढी दलित समुदायका बालबालिका कुपोषणमा रहेको जानकारी दिनुभयो ।  उहाँले करिब २ सय बालबालिका दलित समुदायका रहेको जानकारी दिनुभयो । कुपोषणमा परेका सबै बालबालिका २३ महिना भन्दा मुनिका छन् ।

उहाँका अनुसार गत आर्थिक वर्षमा १ सय ७५ मात्र कुपोषित बालबालिका थिए । यस तथ्याङ्क अनुसार चालु आर्थिक वर्षको ६ महिनाको अवधिमा कुपोषित बालबालिकाको संख्या धेरै हो ।  जिल्लामा बालबालिकाहरुलाई कुपोषणबाट पिडित हुन नदिनका लागि विभिन्न जनचेतना कार्यक्रम, सहयोगका कार्यक्रमहरु गरिएको पनि उहाँले जानकारी दिनुभयो । जिल्लामा हाल पोषणको क्षेत्रमा सुआहारा कार्यक्रम, कृषि तथा खाद्यय सुरक्षा कार्यक्रम संचालन भएको श्रेष्ठले जानकारी दिनुभयो ।

Avatar

Next Story