खोटाङमा वडादेखि जिसस सदस्यलाई समेत सेवा सुबिधा माग

  • २९ फाल्गुन २०७४, मंगलवार १८:३७
  • 936 Views


radionrn

उत्तम चौलागाँई, खोटाङ । जिल्ला समन्वय समिति महासंघ नेपाल प्रदेश नम्बर १ ले जिल्ला समन्वय समितिका सदस्य, नगर÷गाउँ कार्यपालिका सदस्य तथा वडा सदस्यका लागि पनि सेवा सुबिधाको माग गरेको छ ।

५ नम्बर लगायतका प्रदेशले जिल्ला समन्वय समितिका प्रमुख, उपप्रमुख, मेयर, उपमेयर, गाउँपालिका प्रमुख, उपप्रमुख र वडाध्यक्षको मात्र तलव तथा सेवा सुबिधा निर्धारण गरेको भन्दै जिल्ला समन्वय समिति महासंघको प्रदेश कमिटीले सदस्यको सेवा सुबिधा समेत स्पष्ट पार्नुपर्ने माग गरेको हो ।

जिल्ला समन्वय समिति खोटाङको सभाहलमा आयोजित पत्रकार भेटघाट कार्यक्रममा जिल्ला समन्वय समिति महासंघ नेपाल प्रदेश नम्बर १ का अध्यक्ष बबी चामलीङले वडा सदस्यदेखि जिल्ला समन्वय समितिका सदस्यको सेवा सुबिधाका विषयमा प्रदेशले नबोल्दा अन्यौल सिर्जना भएको उल्लेख गर्नुभयो ।

अधिकांश प्रदेशले जननिर्वाचित प्रतिनिधिको तलव तथा सेवा सुबिधा निर्धाण गर्ने तयारी गरिरहेका बेलामा महासंघले सदस्यदेखि प्रमुखसम्मको सेवा सुबिधा स्पष्ट बनाउनुपर्ने माग गरेको जनाएको छ । जिल्ला समन्वय समिति महासंघ प्रदेश कमिटीको माघ २४ गते विराटनगरमा बसेको पहिलो बैठकले हरेक जिल्ला समन्वय समितिलाई सशक्त र अधिकार सम्पन्न निकायकारुपमा स्थापित गराउन दबावमुलक कार्यक्रम गर्ने निर्णय गरिसकेको छ ।

गत हाल हरेक जिल्ला समन्वय समिति अधिकार विहिनताको अवस्थाबाट गुज्रेको भन्दै महासंघले ऐन र नियम निर्माण गरेर वर्तमान प्राप्त जिम्मेवारीलाई परिभाषित गर्न दबाव सिर्जना गर्ने निर्णय गरेको चामलीङले बताउँनुभयो ।

Avatar

Next Story