राष्ट्रपति चयनका लागि मतदान सकियो , ५ प्रतिनिधसभा र १३ प्रदेशसभाका सांसदले हालेनन् भोट (नाम सहित)

  • २९ फाल्गुन २०७४, मंगलवार १५:४५
  • 1456 Views


radionrn

राष्ट्रपति चयनका लागि मतदान सकिएको छ। संघीय गणतन्त्र नेपालको तेस्रो राष्ट्रपति चयनका लागि संसद भवन बानेश्वरमा दिउँसो ३ बजे मतदान सकिएको हो।

निर्वाचन आयोगका प्रवक्ता नवराज ढकालका अनुसार राष्ट्रपति चयनको मतदान प्रक्रियामा संघीय संसदका ५ जना र प्रदेशसभाका १३ जना सांसद मतदानमा अनुपस्थित रहे।

राष्ट्रपति निर्वाचनमा प्रदेशसभाका ५ सय ४९ र संघीय स‍ंसदका ३ सय ३१ सांसदको मतदाता सूचीमा नाम थियो।

निर्वाचन आयोगका प्रवक्ता ढकालका अनुसार अपराह्न ४ बजेदेखि मतगणना सुरु हुनेछ।

राष्ट्रपतिको निर्वाचनमा वर्तमान राष्ट्रपति विद्यादेवी भण्डारी र पूर्वसांसद कुमारीलक्ष्मी राई प्रतिष्पर्धामा छन्। राष्ट्रपतिको निर्वाचन संघीय संसद्का सदस्य र प्रदेशसभाका सदस्य मतदाता रहेको निर्वाचक मण्डलबाट हुने संविधानमा व्यवस्था गरिएको छ।

मतदानमा अनुपस्थित संघीय संसदका सदस्यहरु
रेशम चौधरी
बाबुराम भट्टराई
प्रेम सुवाल
जितेन्द्रनारायण देव
रमेशप्रसाद यादव

मतदानमा अनुपस्थित प्रदेशसभाका सांसदहरु
कृष्णबहादुर चौधरी
धनमाया लामा
प्रल्लाद गिरी
प्रेमबहादुर तामाङ
विराजभक्त श्रेष्ठ
मनिश सुमन
रमेश पौडेल
राजेश्वर साह
दिन पन्त
शोभा शाक्य
सुरेन्द्र गोसाइ
हरिशरण आचार्य
हिमबहादुर शाही

Avatar

Next Story