बिमान दुर्घटनामा मृत्यु भएकाको शवको पोस्टमार्टम गर्न कम्तिमा चार दिन लाग्ने

  • २९ फाल्गुन २०७४, मंगलवार १५:३९
  • 3718 Views


radionrn

काठमाडौं । त्रिभुवन अन्तर्राष्ट्रिय वमानस्थलमिा हिजो भएको विमान दुर्घटनामा परी मृत्यु भएकाको शव पोस्टमार्टमपछि आफन्तलाई बुझाउन शुरु गरिएको छ । त्रिवि शिक्षण अस्पतालले दुर्घटनाका मृतकको शव आफन्तलाई बुझाउन सुरु गरेको छ ।  हिजो भएको युएस बङ्ला विमान दुर्घटनामा २२ नेपालीसहित ४९ जनाको मृत्यु भएको छ । सबै शवको पोस्टमार्टम गर्न कम्तिमा चार दिन लाग्ने अस्पतालले जनाएको छ। अहिले त्रिवि शिक्षण अस्पतालको फरेन्सिक विभागअगाडि मृतकका आफन्तको भिड लागेको छ । विमानमा आगो लाग्दा जलेका शवको पहिचानमा समस्या भएको छ ।

हिजो भएको विमान दुर्घटनामा परी चालकदलका सबै सदस्यको मृत्यु भएको छ । विमानचालक आबिद सुल्तानको नर्भिक अस्पतालमा मृत्यु भएको हो ।  यूएस–बंगला एयरलाइन्सका मार्केटिङ सपोर्ट तथा पीआर जनरल म्यानेजर मोहम्मद कामरुल इस्लामले मृत्युको पुष्टि गर्नु भएको हो । अन्य दुई क्याबिन क्रू सदस्यहरू कोपाइलट पृथुला राशिद र ख्वाजा हुसेनको दुर्घटनास्थलमै मृत्यु भएको थियो ।
यसैबीच, विमान दुर्घटनामा परी मृत्यु भएकाहरुको शव पोस्टमार्टम गरी आफन्तलाई बुझाउने तयारी भएको छ । दुर्घटनामा मृत्यु भएका सबै ४९ जनाको शव अहिले महाराजगन्ज त्रिवि शिक्षण अस्पतालमा राखिएको छ ।

अस्पताल स्रोतका अनुसार विमानमा आगो लागेका कारण शव जलेकाले सनाखत गर्न मुस्किल हुने देखिएको छ । पोस्टमार्टम गर्दा पहिचान खुल्न नसक्ने शवहरुको डिएनए परिक्षण गर्नु पर्ने अस्पतालले जनाएको छ ।  बंगलादेशको राजधानी ढाकाबाट काठमाडौँका लागि उडान भरेको विमान त्रिभुवन अन्तर्रा्ष्ट्रिय विमानस्थलमा हिजो दुर्घटना हुँदा सवार ७१ मध्ये ४९ जनाको मृत्यु भएको थियो । दुर्घटनामा घाइते भएकाहरुको काठमाडौंको विभिन्न अस्पतालहरुमा उपचार भइरहेको प्रहरीले जनाएको छ। घाइतेमध्ये केहिको अवस्था चिन्ताजनक रहेको बताइएको छ ।

  • ताजा समाचार

ताजा समाचार

Image

पौडेल,नेपाल र पोखरेललाई कार्यवाहक प्रमुखको जिम्मेवारी

प्रधानमन्त्री तथा नेकपाका अध्यक्ष केपी शर्मा ओलीले तीन नेतालाई फरक–फरक मोर्चाको कार्यवाहक प्रमुखको

Image

संविधान संशोधनको विषयलाई पहिलो प्राथमिकतामा राख्ने राष्ट्यि जनता पार्टीको निर्णय

राष्ट्रिय जनता पार्टी, नेपालले सरकारमा जाने विषयलाई प्राथमिकता नदिने स्पष्ट पारेको छ राष्ट्रिय जनता पार्टी,

Image

कांग्रेस जिल्ला सभापतिहरुको राष्ट्रिय भेला हेटौंडामा शुरु

हेटौंडा । नेपाली कांग्रेसका जिल्ला सभापतिहरुको चौथो राष्ट्रिय भेला आजदेखि हेटौंडामा शुरु भएको छ । तीन दिन चल्ने

Image

सर्वाधिक राशिको एनआरएन कपको उपाधी नेपाल स्पोर्ट्स क्लब राकलाई

राम प्रसाद ढुङ्गेल ,युएई नेपाली स्पोर्ट्स क्लब रास अल खेमाले युएईको नेपाली समुदायमा हालसम्मकै  सर्वाधिक

Image

अब काँग्रेसमा सक्षम नेतृत्व ल्याउनुपर्छ : सुजाता कोइराला

नेपाली काँग्रेस नेत्री सुजाता कोइरालाले महासमिति बैठक बोलाएर काँग्रेस तत्काल महाधिवेशनमा जानुपर्ने