युएस बङ्ला विमान दुर्घटनाको मुख्य कारण : ‘यसरी खस्यो विमान’

  • २९ फाल्गुन २०७४, मंगलवार ०८:०५
  • 4017 Views


radionrn

काठमाडौं :– यु।एस।–बङ्ग्ला एअरलाइन्सको बम्बार्डिएर ड्यास ८ बिमान सोमबार २ बजेर २० मिनेटमा त्रिभुवन अन्तराष्ट्रिय विमानस्थलको धावनमार्गमा चिप्लिएर दुर्घटनाग्रस्त भएको छ । दुर्घटनामा ४९ जनाको मृत्यु भएको छ भने २२ जना घाइते भएका छन् । घाइतेहरुको राजधानीका केएमसी, सिभिल, नर्भिक, वीर लगायतका अस्पतालमा उपचार भैरहेको छ ।

विमानस्थलका महाप्रबन्धक राजकुमार क्षेत्रीका अनुसार विमान दुर्घटनाका कारण :

– विमानस्थलले जिरो टु बाट अवतरणका लागि अनुमति दियो ।

– यो भनेको विमानस्थलको उत्तरतिरबाट अवतरण गर्ने अनुमति हो ।

– पाइलटले जानेर वा अनजानमा टु जिरोबाट अवतरण गराउन खोजे ।

– गलत दिशातिरबाट अवतरण गराउन खोजेपछि विमानस्थलले ‘केही समस्या छ भनेर सोध्यो ?’

– त्यसपछि विमान आकाशमा नै दुई फन्को लगायो ।

– फेरि टावरले ‘आर यु ओके ?’ भनेर सोध्यो ।

– पाइलटले ‘वि आर ओके’ भन्यो ।

– तर, पनि विमानको अलाइन्मेन्ट मिलेको थिएन ।

– त्यसपछि जिरो टुबाट ल्याण्ड गराइयो ।

– विमान नेपाली सेनाको ह्याङ्गर नजिकबाट चिप्लिएर धवनमार्ग बाहिर गयो ।

– त्यहाँ पार्किङ गरिएका विमानलाई केही भएन ।

– तार भत्काउँदै खाल्डोमा गयो ।

– हामी विमानको गलत अवतरणमा स्टान्डबाई थियौँ ।

– तत्कार उद्दार सुरु भयो ।

– साढे चार बजेसम्म उपचारका लागि अस्पताल पठाइएका २५ जना मध्ये ८ जनाको मृत्यु भएको छ । दुई जना सामान्य उपचार पछि घर गए ।

विमान दुर्घटना : यस्तो छ ‘युएस बङ्ला वायुसे;autoplay=1डिएर ड्यास–८ क्यु ४००’ को परिचय :

काठमाडौं–यु.एस.–बङ्ग्ला एअरलाइन्सको बम्बार्डिएर ड्यास ८ बिमान सोमबार २ बजेर २० मिनेटमा त्रिभुवन अन्तराष्ट्रिय विमानस्थलको धावनमार्गमा चिप्लिएर दुर्घटनाग्रस्त भएको छ ।

यु.एस.–बङ्ला एअरलाइन्स बङ्लादेशको सात विमानसेवा मध्य एक हो । यो बङ्लादेशको नीजि विमान सेवा हो । यसलाई यु.एस.–बङ्ला ग्रुपले सञ्चालन गरिरहेको छ । सन् २०१० मा स्थापना भएको यो वायुसेवाले सन् २०१४ बाट सेवा शुरु गरेको थियो । शुरुका केही वर्ष आन्तरिक उडान मात्र भरिरहेको यो वायुसेवाले सन् २०१६ बाट अन्तराष्ट्रिय सेवा दिन थालेको हो ।

हाल यो विमानसेवाले आन्तरिक उडानको अतिरिक्त भारत, नेपाल, मलेशिया, ओमन, कतार , सिङ्गापुर र थाइल्याण्ड सात देशमा अन्तराष्ट्रिय सेवा दिइरहेको छ । यसका लागि विमानसेवाले १५८ क्षेमताका बोइङ्ग ७३७ का ४ वटा र बम्बार्डियर ड्यास–८का ४ विमान प्रयोग गरिरहेको छ ।

आज दुर्घटना भएको मोडल बर्मबार्डिएर ड्यास–८ विमान दुई इन्जिन भएको, मध्यम दुरीमा उडान भर्न मिल्ने खालको विमान हो । यो विमानलाई ‘डि ह्याभिल्याण्ड क्यानडा’ले सन् १९८४ मा सार्बजनिक गरिएको थियो । सो समय यसलाई उत्पादक कम्पनीको नाम जोडेर ‘डि ह्याभिल्याण्ड क्यानडा ड्यास–८’ भनिन्थ्यो । हाल यसलाई ‘बमबार्डिएर एरोस्पेस’ले उत्पादन गर्ने भएकाले यसको नाममा सोही कम्पनीको नाम जोडिएको छ ।

यो विमानहरुको संस्करण जनाउन कम्पनीले ‘क्यु सेरिज’ नाम दिने गरेको छ । नेपालमा दुर्घटना भएको विमान क्यु–४०० हो । क्यु–४०० बम्बार्डिएर एरोस्पेसले उत्पादन गरेको सबैभन्दा पछिल्लो संस्करणको विमान हो । कम्पनीले आफ्ना पुराना विमान श्रृङ्खलाहरु सन् २००९ बाट उत्पादन गर्न बन्द गरेकाले हाल कम्पनीले यही क्यु–४०० मात्र उत्पादन गरिरहेको छ ।

यो अघि पनि सन् २०१५ सेप्टेम्बर ४ मा यु.एस.–बङ्लाको ‘बम्बार्डिएर ड्यास– ८ क्यु–४०२एस’ विमान आन्तरिक उडानको क्रममा धावनमार्गबाट चिप्लिएको थियो । सो दुर्घटनामा भने कुनै हताहती भएको थिएन ।

  • ताजा समाचार

ताजा समाचार

Image

पौडेल,नेपाल र पोखरेललाई कार्यवाहक प्रमुखको जिम्मेवारी

प्रधानमन्त्री तथा नेकपाका अध्यक्ष केपी शर्मा ओलीले तीन नेतालाई फरक–फरक मोर्चाको कार्यवाहक प्रमुखको

Image

संविधान संशोधनको विषयलाई पहिलो प्राथमिकतामा राख्ने राष्ट्यि जनता पार्टीको निर्णय

राष्ट्रिय जनता पार्टी, नेपालले सरकारमा जाने विषयलाई प्राथमिकता नदिने स्पष्ट पारेको छ राष्ट्रिय जनता पार्टी,

Image

कांग्रेस जिल्ला सभापतिहरुको राष्ट्रिय भेला हेटौंडामा शुरु

हेटौंडा । नेपाली कांग्रेसका जिल्ला सभापतिहरुको चौथो राष्ट्रिय भेला आजदेखि हेटौंडामा शुरु भएको छ । तीन दिन चल्ने

Image

सर्वाधिक राशिको एनआरएन कपको उपाधी नेपाल स्पोर्ट्स क्लब राकलाई

राम प्रसाद ढुङ्गेल ,युएई नेपाली स्पोर्ट्स क्लब रास अल खेमाले युएईको नेपाली समुदायमा हालसम्मकै  सर्वाधिक

Image

अब काँग्रेसमा सक्षम नेतृत्व ल्याउनुपर्छ : सुजाता कोइराला

नेपाली काँग्रेस नेत्री सुजाता कोइरालाले महासमिति बैठक बोलाएर काँग्रेस तत्काल महाधिवेशनमा जानुपर्ने