वाम गठबन्धनको सरकारलाई मधेस केन्द्रित दलको समर्थन, राष्ट्रपतिमा भण्डारीलाई मतदान गर्ने

  • २६ फाल्गुन २०७४, शनिबार २०:०९
  • 1963 Views


radionrn

काठमाडौं । कुनै वेला पानी बाराबारको अवस्थामा रहेका नेकपा एमाले र मधेस केन्द्रित दलबीचको सम्बन्ध अहिले सुध्रीएको छ । मधेस केन्द्रित दलहरुले उठाउँदै आएको संविधान संशोधनको मुद्दामा वाम गठबन्धन लचिलो भए सँगै संघीय समाजवादी फोरम नेपाल र राष्ट्रिय जनता पार्टी नेपाल नयाँ सरकारमा सहभागी हुने तयारीमा छन् । सरकारमा सहभागी हुने विषयमा फोरमसँग सहमति भैसकेको छ भने राजपासँग वार्ता जारी नै रहेको छ । दुई नम्बर प्रदेशमा वाम गठबन्धनले सहयोग गरेको र संविधान संशोधनमा सरकार सकारात्मक देखिएकाले राजपाले समर्थन गर्न लागेको हो । राजपा नेता केशव झाले संविधन संशोधन गर्ने सर्तमा आफूहरुले सहयोग गर्न लागेको जानकारी दिनु भयो ।

एमाले र माओवादी केन्द्रको वाम सरकारमा फोरम र राजपा सहभागी हुनेभएपछि संसदमा भोलि प्रधानमन्त्री केपी शर्मा ओलीले विश्वासको मत लिने कार्यक्रम र फागुन २९ मा हुने राष्ट्रिपतिको निर्वाचन औपचारीकतामा मात्र सीमित हुने भएको छ । दुई तिहाइको सरकार गठनको प्रयासमा रहेका प्रधानमन्त्री ओलीले मधेस केन्द्रित दलका नेताहरुसँग औपचारीक र अनौपचारिक रुपमा पटक पटक वार्ता गर्नु भएको छ । मन्त्रालय बाडँफाँटमा फोरमसँग कुरा मिले पनि राजपासँग भने सम्बाद जारी नै छ । सत्ता साझेदार माओवादी केन्द्रका नेता वर्षमान पुनका अनुसार राष्ट्रपतिको निर्वाचन लगतै फोरमलाई सहभागी गराएर मन्त्रिपरिषद विस्तार हुने छ ।

प्रधानमन्त्रीले लिने विश्वासको मत र राष्ट्रपति निर्वाचनमा विद्यादेवी भण्डारीलाई सहयोग गरेपछि दलहरुबीच विश्वासको वातावरण बन्ने छ । यो सँगै प्रतिनिधिसभामा प्रतिनिधित्व गर्ने ५ दल मध्ये ४ दल सरकारमा सहभागी हुने पक्का छ । चार दल सहभागी भएपछि दुई तिहाइको सरकार बन्ने छ । दुई तिहाइको सरकार निर्माण भएपछि नेपाली कांग्रेस मात्र प्रतिपक्षमा रहने छ । प्रतिपक्षमा रहेको कांग्रेसले स्थानीय तहदेखिनै शसक्त प्रतिपक्षको भूमिकामा रहने तयारी गरेको छ । कांग्रेस महामन्त्री शशांक कोइरालाले सरकारले गरेका राम्रा कामलाई समर्थन गर्ने र नराम्रोलाई खबरदारी गर्ने बताउनु भयो ।

कुनै उथलपुथल नभए अब बन्ने सरकारले ५ वर्ष निरन्तरता पाउने छ । पाँच वर्षे सरकारले अब संविधान कार्यान्वयन सँगै आर्थिक समृद्धिलाई प्राथमिकतामा राख्नु पर्ने छ ।

  • ताजा समाचार

ताजा समाचार

Image

पौडेल,नेपाल र पोखरेललाई कार्यवाहक प्रमुखको जिम्मेवारी

प्रधानमन्त्री तथा नेकपाका अध्यक्ष केपी शर्मा ओलीले तीन नेतालाई फरक–फरक मोर्चाको कार्यवाहक प्रमुखको

Image

संविधान संशोधनको विषयलाई पहिलो प्राथमिकतामा राख्ने राष्ट्यि जनता पार्टीको निर्णय

राष्ट्रिय जनता पार्टी, नेपालले सरकारमा जाने विषयलाई प्राथमिकता नदिने स्पष्ट पारेको छ राष्ट्रिय जनता पार्टी,

Image

कांग्रेस जिल्ला सभापतिहरुको राष्ट्रिय भेला हेटौंडामा शुरु

हेटौंडा । नेपाली कांग्रेसका जिल्ला सभापतिहरुको चौथो राष्ट्रिय भेला आजदेखि हेटौंडामा शुरु भएको छ । तीन दिन चल्ने

Image

सर्वाधिक राशिको एनआरएन कपको उपाधी नेपाल स्पोर्ट्स क्लब राकलाई

राम प्रसाद ढुङ्गेल ,युएई नेपाली स्पोर्ट्स क्लब रास अल खेमाले युएईको नेपाली समुदायमा हालसम्मकै  सर्वाधिक

Image

अब काँग्रेसमा सक्षम नेतृत्व ल्याउनुपर्छ : सुजाता कोइराला

नेपाली काँग्रेस नेत्री सुजाता कोइरालाले महासमिति बैठक बोलाएर काँग्रेस तत्काल महाधिवेशनमा जानुपर्ने